يـــاقــلـــبــــي

[سلطان المضعان]

برد الشتاءالقاسي..
شتت لي إحساسي..

تـايـه بــلا خـــــلان..
مشرد بلا أوطـــــان..

وأعـــلــنــت إفـــلاســـي..
رصـــيـدي كــلــه عــــــذاب..

والعاصفة هبت في غفلة(ن) مني!!

بـــــرق..ورعـــد..وريـــــاح..
وأمطار صارت سيل..
من فجرنا لليل..

تكفين خوذيني..بالله وإحميني..
بالحضن دفيني..من قسوة سنيني..كانك على قدرة!!
وإن كان ماتقوين..مالي سوى الحسرة!!

منهو يدفيني..من بردها القاسي!؟
منهو يواسيني..ويعزي إحساسي!؟

برق..ورعد..ورياح..
حنين للي راح!!

من عمرنا اللي فات.
ولحبنا اللي مات.

من قبل لا ندري..
في صدرك وصدري..

في ليلة ظلمى!!
كان إحتظار الحب..

وناموا جميع الناس
إلا أنت ياقلبي..أشغلك هالهوجاس!!

والحزن ماله قياس..في داخل أعماقي..
أسألك ياقلبي..إلمن هو أشواقي..

وليه أنا عايش!!

من غير خلاني..أعيش أحزاني
مجبور أنا أعاني..من بردها القاسي
مكتومة أنفاسي..أدورإحساسي

في زحمة الخلان..ياناس أنا أدور
في عالم الأحزان..معاناتي أصور

مسكين ياقلبي
ماأحد درى عنك

بسألك ياقلبي..ليه خيبوا ظنك!!

جوابني حتى أرتاح..

وإشرح لي اللي راح..ياقلبي لو تقدر!!




هاه شنو رأيكم في بدياتي
جاوبوني بصراحه وماعليكم

وهذي الخاطرة عام 1415هــ

[عبدالرحمن بن صليهم]

مسكين ياقلبي
ماأحد درى عنك

بسألك ياقلبي..ليه خيبوا ظنك!!
.
.
أنت قلت /
هاه شنو رأيكم في بدياتي
جاوبوني بصراحه وماعليكم

وهذي الخاطرة عام 1415هــ
البعض ياسلطان لايسمي مثل هذه (التفعيله) خاطره .. بل البعض يصنفها شعراً ..
وبكل صراحه ياسلطان .. بداياتك كانت أجمل من حاضرك :)
بكل صراحه .. بعض النصوص القديمه نقرأ فيها صدق الشعور أكثر من قصائدنا الحاليه ..
لا أعلم لماذا !! ولكن ربـّما لأننا نكبر وتتجمد مشاعرنا ..

صح لسانك على هذه المعزوفه ياسلطان


دمت

[سلطان المضعان]

أخي العزيز

صح بدنك

ولاهنت على مرورك وتكرمك بالرد

وصدقت فيما قلت وكلامك يجعلني

أعيد النظر في كتاباتي

لو أن ماينشر أغلبه من بداياتي

ولو نشر كل يوم قصيدة يبي لي

من الآن سنتين ونصف حتى

أكتب الجديد

ودمت سالماً

[زين عبدالله]

سأبدا مع بدايتك

ولاني لا أعرف ما وصلت اليه ولكنها بدايه تصف فيها بشعور صادق

معاناة برد الحب وقسوة الخلان وتأخذنا في رحلة الم وتسأول

لو كانت هي من بدياتك فقد بدأت عملاق

تحية لك اخي سلطان وحتى التقي مع موضوع اخر لك دمت بالف خير

[بروووق]

غنائية جميلة ...

كلماتها معبرة ومؤثرة ...
هي الأأجمل بين نصوصك حتى الآن أخي سلطان ...

ننتظر قراءة جديدك ..

كل المتابعة ..

[ابو نواف]

أخي الرائع سلطان
النص يشي بالكثيرمما في داخلك ، حتى لو تم تغليفه بسولوفان غزلي
موحش هو محيطك ( آنذاك )
يفتقر لدفء ما ( آنذاك )

بصدق النص معبر جداً
ولكن اتمنى انك تعيش اليوم عكس اجواءه الموحشة والموجعة آنذاك

[سلطان المضعان]

أخي الفاضل

زين عبدالله

حياك الله وتكرمت بردك الكريم علي

وهذه بداياتي والشاهد الله يالغالي

ولقد أخجلتني بردك

أيها العملاق

وطلعت إسم على مسمى

والله يعطيك العافية