فؤاد العنقري
07-03-2004, 12:07
هلا حبايب قلبي والله فديتكم كلكم000
هذ ه الكتابات من كتاب الاستاذة خلود الحساني
من كتابها ( من مذكراتي 00ياناس ياشر كفاية قر)
هالكتاب ماانباعت منه ولا نسخة بسبب سوء التوزيع 000وهالكتاب تلاقوونه في
شارع جامعة الدول في مصر او في شارع فؤاد او الازبكيه كلها احياء في
سنغافوره00
وينادي البااائع
الحئو البنت الخليقيه خلود ومزكرااااتها000
شوفوا الفضاااااايح يخرب بيوووتكم دا تمنه سبعه قنيه00
ومن هالاعلانات اللي تخلي اخوانا الخليجين يجوون عند ذولا اللي على الارصفة
ماعلينا00
قالت خلود والعهدة على الراويه00في صفحتها رقم 376587
مساء الخير والاحساس والطيبة
مساء ما يليق الا بلي يرد على موضوعي
عاااااد اقوووول لك
يوم الخميس الي أقفى ,, قمت من النوم
الشعر شوشه والنفس خايسه و.. (والا مالوه داعي حتى ما تهجون)
كل ذا عشان عندنا عرس ومالي خلق أروح
لأني ما تعودت أحضر عرس بالديرة ذي
وكل عروسنا بالديرة ذيك (ياهي غثه)
اختكم بورطه ,, بس الحمد لله كان فيه مشغل زيييين حول بيتنا
دقيت عليهم وقلت اني أبحجز عشان عندنا عرس اليوم
وانا اول مره أروح لهم
لقيت المره (الي ردت) متشققه عالاخرررر
قالت لي :
لا لا لا .. مالوه داعي الحجز .. بمجرد انك تدخلين يصير لك ما تبين (هذا شعارهم)
عاد أنا طرت وأخذت عباتي وعليهم سييييده
دخلت المحل والا مافيه غيري وفرحت وانا اقول بنفسي :
والله انتس ذكيه يا بنت جيتي بدري
المشكلة لامني حكيت أسمع صدى صوتي يلعلع بالجدران
بدت الهواجس تصافق برأسي
بس عاد بلشنا وقلت معليش يمكن المحل جديد ما امداه يشتهر وسعي صدرتس يا بنت وشوفي النتيجة بعدين احكمي
وفجعتون
تجي هالحرمه الي مسويه الهوايل بعمره ,, مكياج وتسريحه واصله للسقف
بنسات احمر واخضر واصفر ,, كنه اشارة هاجه
وتمشي مغمضتن عيونه عشان تورينا الشدو الي ما شاف الملح
قلت :
يمكن هي ذوقه مخيس بس شغلهم زين (ما ادري شلون تجي)
عاااااد أقووول لك
سلمتهم رويسي بما فيه من قراقيع وأفكار
وشوي الا الحريمه تقلب الكرسي على ورا وتخلي المرايه من مقفاي
الظاهر ان المرايه سر خسارة المحل
مع كذا قلت :
يمكن هذي ميزة لتوفير عامل المفاجعه عاد تورطنا وش نسوي
قعدت تحوس برأسي وترطنن ما ادري وش تهبب
ولولا طولة البال ولا كان علومن سنعة طلعت
المهم خلصت هي من شعري ,, وقمت أبدخل عشان أشوف التسريحة
الا تزعق بأذني تقل ماسه كهرب :
NO
حسيت اني بأهرس خشته البالونيه
بس بلعت لساني وقلت طيب ,, ورجعت انثبرت بالكرسي
وهي راحت وجابت علبة المكياج بعد ما انفضت غبرته
ماركتن ما ادري وش هي ,, يالله معليه
وبعد حال ومحتوى قضت مني بطلعت الروح
المشكلة ,, ما سألتن وش لون فستانتس و وش تحبين مكياجتس يصير
كل الي قالتوه :
انته في هيب موده؟؟ ,, أنا فيه سوي لاست موده
بعدين جابت لي المرايه
بسم الله الرحمن الرحيم
سكنهم مساكنهم
تروعت
مدري هذي أنا ولا فيه جنيه واقفه قدامي
من وين جابو هالشيفه
الا تطلع شياطيني
وبديت أهذري وأقط خيط وخيط (بكرة خيوط طاحت(
المشكلة اهاوش وانافخ وهن ماغير يقولن :
مافيه مشكل انته فيه صير مررره هلووو ,, روه هفله بأدين شوف
انته اتلع أحلا واهد في هدي هفله
قولي أمين .. جعلتس الهفه الي تقشعتس من مكانتس
والهلاك الي يهريتس هري يا البرطم المتحرك
ركبت السياره وانا أباكل نفسي من القهر
والمفروض اروح من المشغل للقاعة
عاد وصلت
ويالله نزلت
شوي ويرفسن اخوي للباب )كان موصلن وهو شاهد على الكارثة
ماااااش
الوضع كان دمااااار على الأخر
بس نزلت وقررت أنضم لفئة المغاتيير
وهم : "نساء ملاقيف يرزون أخششهم للبحلقه بالأعراس والمناسبات"
عاد من وين يصير الي ببالي واختي مرتزتن عند الباب
اعرفتن من شنطتي
والا لوعلى السمجه كان ما درت عن أبد
اختي :
هلا يا الشينه ,, يالله ورين كشختتس
وانا بالعتن الساني وزين متحملتن روحي مع هالعشه الي فوق رأسي
فصخت عباتي أول
والا تصرخ بوجهي يامال القطع
انا خفت انها المحت وجهي ومكياجي
اثر وحده من صديقاتها وقفت وراي وكانت ترحب به
عاد ما امدان أفك الغطاء من وجهي
الا اسمع المشاهق من ضحك وتطنز
والدمعة اخذت طريق الدائري بعيوني ,, تبحث عن منفذ
بس ماش ,, الكحل كنه صبيه عجز يسيح
أخذت زاوية بالصالة وانا على أعصابي
اخاف احد يقرب من عندي ويوسع صديره علي
الا تقبل ذيك العجيز الا كنه مركبتن كفرات من العجلة
وابدأ أنا اناقز بالكرسي كن أحد قابصن ,, اتصفط يمين ويسار
هي قعدت بالكرسي الي جنبي
تسبح وتهلل ,, وشوي الي تقول :
وش اسمتس يا المزيونه؟
أنا بديت أتلفت وأدور الحلوة الي لافزتن منا ولا منا هلي طاقتن المشوار عشانها
بس المشكله مابوه أحد غيري
قلت :
تقصدينن يا خاله ؟؟؟؟؟؟؟؟؟؟؟
ردت :
ايه الله يحفظتس ,, مين بنتوه أنتي؟
عاد انا فجيت كشرتي :
بنت أمي وأبوي اقلبي وجهتس يا الطينه
وهي تغير وجهه
الظاهر تضايقت ,, ترى هالعجز ما ينمزح معهن
ردت علي :
وين امتس ؟
قلت ببلاهة :
هذاه ,, الي واقفه هناك ,, ام فستان قوس قزحي
شوي الا تشغل الكفرات وتسحححححب
الغبرة تطايرت والحريمه ارتزت قدام اميمتي ما ادري وش تقول له
تك تك
طن طن
دقت الساعة 3
مابغينا نخلص ونفتك من هالعجز
انحشرنا بالسيارة بعد ما داخن خواتي من الرقص والترزز
وامي هجت من طابور المهذريات
وصلنا دارنا وشبينا النار على الشاهي الي على كيف كيفكم
عشان نمخمخ بالحش على اصولووووه ترى هذي عادة كل بيت مهب حنا بس
رحت اسأل أمي :
وش عندهن العجز صافات عندتس تقل باب مسجد؟
وشوي ,, الا الوجه ينور والابتسامة تلعلع ترد وتضحك:
الظاهر جازت لهن البربسه الي بخشتتس وهالعشه الي على رأستس
انا تسمرت بمكاني
ما ادري أضحك ولا أقطع روحي من القهر
الحين ياما كشخنا وما كنا نعجب والحين يوم تدحوسنا صرنا ششششي
تدرون عاد
لاعت كبد أخوي يوم سمع هرج امي
وقال له :
الله يعافيتس يمه لا تخطبين لي أبد ,, مير هونت ما ابي اعرس
والله ما الومه
هالعجز عليهن فنايع تشيب الرأس
المهم
من يومه وخواتي معسكرات بالمشغل
تركن الموضة على جنب اثره ما توكل عيش
هذ ه الكتابات من كتاب الاستاذة خلود الحساني
من كتابها ( من مذكراتي 00ياناس ياشر كفاية قر)
هالكتاب ماانباعت منه ولا نسخة بسبب سوء التوزيع 000وهالكتاب تلاقوونه في
شارع جامعة الدول في مصر او في شارع فؤاد او الازبكيه كلها احياء في
سنغافوره00
وينادي البااائع
الحئو البنت الخليقيه خلود ومزكرااااتها000
شوفوا الفضاااااايح يخرب بيوووتكم دا تمنه سبعه قنيه00
ومن هالاعلانات اللي تخلي اخوانا الخليجين يجوون عند ذولا اللي على الارصفة
ماعلينا00
قالت خلود والعهدة على الراويه00في صفحتها رقم 376587
مساء الخير والاحساس والطيبة
مساء ما يليق الا بلي يرد على موضوعي
عاااااد اقوووول لك
يوم الخميس الي أقفى ,, قمت من النوم
الشعر شوشه والنفس خايسه و.. (والا مالوه داعي حتى ما تهجون)
كل ذا عشان عندنا عرس ومالي خلق أروح
لأني ما تعودت أحضر عرس بالديرة ذي
وكل عروسنا بالديرة ذيك (ياهي غثه)
اختكم بورطه ,, بس الحمد لله كان فيه مشغل زيييين حول بيتنا
دقيت عليهم وقلت اني أبحجز عشان عندنا عرس اليوم
وانا اول مره أروح لهم
لقيت المره (الي ردت) متشققه عالاخرررر
قالت لي :
لا لا لا .. مالوه داعي الحجز .. بمجرد انك تدخلين يصير لك ما تبين (هذا شعارهم)
عاد أنا طرت وأخذت عباتي وعليهم سييييده
دخلت المحل والا مافيه غيري وفرحت وانا اقول بنفسي :
والله انتس ذكيه يا بنت جيتي بدري
المشكلة لامني حكيت أسمع صدى صوتي يلعلع بالجدران
بدت الهواجس تصافق برأسي
بس عاد بلشنا وقلت معليش يمكن المحل جديد ما امداه يشتهر وسعي صدرتس يا بنت وشوفي النتيجة بعدين احكمي
وفجعتون
تجي هالحرمه الي مسويه الهوايل بعمره ,, مكياج وتسريحه واصله للسقف
بنسات احمر واخضر واصفر ,, كنه اشارة هاجه
وتمشي مغمضتن عيونه عشان تورينا الشدو الي ما شاف الملح
قلت :
يمكن هي ذوقه مخيس بس شغلهم زين (ما ادري شلون تجي)
عاااااد أقووول لك
سلمتهم رويسي بما فيه من قراقيع وأفكار
وشوي الا الحريمه تقلب الكرسي على ورا وتخلي المرايه من مقفاي
الظاهر ان المرايه سر خسارة المحل
مع كذا قلت :
يمكن هذي ميزة لتوفير عامل المفاجعه عاد تورطنا وش نسوي
قعدت تحوس برأسي وترطنن ما ادري وش تهبب
ولولا طولة البال ولا كان علومن سنعة طلعت
المهم خلصت هي من شعري ,, وقمت أبدخل عشان أشوف التسريحة
الا تزعق بأذني تقل ماسه كهرب :
NO
حسيت اني بأهرس خشته البالونيه
بس بلعت لساني وقلت طيب ,, ورجعت انثبرت بالكرسي
وهي راحت وجابت علبة المكياج بعد ما انفضت غبرته
ماركتن ما ادري وش هي ,, يالله معليه
وبعد حال ومحتوى قضت مني بطلعت الروح
المشكلة ,, ما سألتن وش لون فستانتس و وش تحبين مكياجتس يصير
كل الي قالتوه :
انته في هيب موده؟؟ ,, أنا فيه سوي لاست موده
بعدين جابت لي المرايه
بسم الله الرحمن الرحيم
سكنهم مساكنهم
تروعت
مدري هذي أنا ولا فيه جنيه واقفه قدامي
من وين جابو هالشيفه
الا تطلع شياطيني
وبديت أهذري وأقط خيط وخيط (بكرة خيوط طاحت(
المشكلة اهاوش وانافخ وهن ماغير يقولن :
مافيه مشكل انته فيه صير مررره هلووو ,, روه هفله بأدين شوف
انته اتلع أحلا واهد في هدي هفله
قولي أمين .. جعلتس الهفه الي تقشعتس من مكانتس
والهلاك الي يهريتس هري يا البرطم المتحرك
ركبت السياره وانا أباكل نفسي من القهر
والمفروض اروح من المشغل للقاعة
عاد وصلت
ويالله نزلت
شوي ويرفسن اخوي للباب )كان موصلن وهو شاهد على الكارثة
ماااااش
الوضع كان دمااااار على الأخر
بس نزلت وقررت أنضم لفئة المغاتيير
وهم : "نساء ملاقيف يرزون أخششهم للبحلقه بالأعراس والمناسبات"
عاد من وين يصير الي ببالي واختي مرتزتن عند الباب
اعرفتن من شنطتي
والا لوعلى السمجه كان ما درت عن أبد
اختي :
هلا يا الشينه ,, يالله ورين كشختتس
وانا بالعتن الساني وزين متحملتن روحي مع هالعشه الي فوق رأسي
فصخت عباتي أول
والا تصرخ بوجهي يامال القطع
انا خفت انها المحت وجهي ومكياجي
اثر وحده من صديقاتها وقفت وراي وكانت ترحب به
عاد ما امدان أفك الغطاء من وجهي
الا اسمع المشاهق من ضحك وتطنز
والدمعة اخذت طريق الدائري بعيوني ,, تبحث عن منفذ
بس ماش ,, الكحل كنه صبيه عجز يسيح
أخذت زاوية بالصالة وانا على أعصابي
اخاف احد يقرب من عندي ويوسع صديره علي
الا تقبل ذيك العجيز الا كنه مركبتن كفرات من العجلة
وابدأ أنا اناقز بالكرسي كن أحد قابصن ,, اتصفط يمين ويسار
هي قعدت بالكرسي الي جنبي
تسبح وتهلل ,, وشوي الي تقول :
وش اسمتس يا المزيونه؟
أنا بديت أتلفت وأدور الحلوة الي لافزتن منا ولا منا هلي طاقتن المشوار عشانها
بس المشكله مابوه أحد غيري
قلت :
تقصدينن يا خاله ؟؟؟؟؟؟؟؟؟؟؟
ردت :
ايه الله يحفظتس ,, مين بنتوه أنتي؟
عاد انا فجيت كشرتي :
بنت أمي وأبوي اقلبي وجهتس يا الطينه
وهي تغير وجهه
الظاهر تضايقت ,, ترى هالعجز ما ينمزح معهن
ردت علي :
وين امتس ؟
قلت ببلاهة :
هذاه ,, الي واقفه هناك ,, ام فستان قوس قزحي
شوي الا تشغل الكفرات وتسحححححب
الغبرة تطايرت والحريمه ارتزت قدام اميمتي ما ادري وش تقول له
تك تك
طن طن
دقت الساعة 3
مابغينا نخلص ونفتك من هالعجز
انحشرنا بالسيارة بعد ما داخن خواتي من الرقص والترزز
وامي هجت من طابور المهذريات
وصلنا دارنا وشبينا النار على الشاهي الي على كيف كيفكم
عشان نمخمخ بالحش على اصولووووه ترى هذي عادة كل بيت مهب حنا بس
رحت اسأل أمي :
وش عندهن العجز صافات عندتس تقل باب مسجد؟
وشوي ,, الا الوجه ينور والابتسامة تلعلع ترد وتضحك:
الظاهر جازت لهن البربسه الي بخشتتس وهالعشه الي على رأستس
انا تسمرت بمكاني
ما ادري أضحك ولا أقطع روحي من القهر
الحين ياما كشخنا وما كنا نعجب والحين يوم تدحوسنا صرنا ششششي
تدرون عاد
لاعت كبد أخوي يوم سمع هرج امي
وقال له :
الله يعافيتس يمه لا تخطبين لي أبد ,, مير هونت ما ابي اعرس
والله ما الومه
هالعجز عليهن فنايع تشيب الرأس
المهم
من يومه وخواتي معسكرات بالمشغل
تركن الموضة على جنب اثره ما توكل عيش